الجمعة، 14 ديسمبر 2007

من أنا .... بوست قديم


ادخل فى صمام الذاكرة , وافتش فى اعماق قلبى ,تمضى فترة من الوقت .... امكث داخلى أبحث عن بقعة ضوء ولو خافته فى هذا الكهف المظلم , وأسمع أصواتاً موحشه واحيانا أشعر ببرودة ريح لطيفه وأحياناً لا أشعر تماماً الا بالجدران الصلبة الداكنه داخل هذا الكهف .... أتسآئل كيف عرفت لون الجدران وانا لا امتلك النور ... انكمش حتى يقتلنى الحنين الى الخرووج , أبحث عن مخرج دون جدوى ولا يسعنى الا الانتظار واتوق الى معرفة سبيل للعودة لكنى اخشى ان لا اعود وما اخشاه أكثر ان لا يستطيع احد الدخول داخلى فأبقى وحدى دائماً ............... انتهى

هناك 21 تعليقًا:

رينـــــــــــا يقول...

مدونتك جميله
وكلامك اجمل
بس ليه الحزن دا
متستسلمش ابدا لاحساسك
واعرف بجد ان بعد كل ليل نهار
وبعد كل ظلام نور
تفائل خير
واسعى ومتنتظرش الحاجة تيجى لعندك
ومتقلقش مش هتفضل عايش لوحدك
تحياتى :)

قضية عم أحمد Ahmed Case يقول...

مساء الفل والورد
انا اول مرة ادخل عندك لاقيت نفسي دخلت بلوج اديب وحد حساس اوي وكلامة رائع بس بصراحة مش عايز حلاوة كلامك تأخدني عن جوهر الكلام .
انت حزين اوي وانا لا اتفق معاك في هذا الالحزن الشديد لاننا لو استلمنا للحزن لما استمتعنا بحياتنا بل سنعيش في هم دائم .
كن جميلاً ترى الوجود جميلاً
وأظنك جميل

تحياتي اوي

Carol يقول...

لا تحزن فكل منا يمر بتلك الأحاسيس
و تأكد لابد من الخروج منها في يوم
و أعرف يا صديقي ان لتلك الظلمة و ذلك الكهف فوائد
لا تشعر بها الان
و لكنك ستشعر بها لاحقا
لا تستسلم لها و بيدك المفتاح فقط ابحث
عنه جيدا فهو داخلك انت
و لا أحد غيرك يستطيع اخراجك منه
تحياتي لك

سندباد يقول...

تحياتي ياعزيزي اثرت فضولي تسمحلي اضيفك عندي

Hussam Zeyada يقول...

السلام عليكم اخى ابو حمزه

على فكره بوست جميل وبه الككثير من المعانى بس شئ طبيعى انك تشوف الجدران داكنه لان مفيش نور وبعدين متقلقش لن تبقى وحدك وبلاش اليأس ده يا سيدى تعرف ان احلك ساعات الليل ظلمه هى التى تسبق بزوغ نور الفجر.

وبعدين اسمحلى اسألك انت عرفتنى منين اصلى اليومين دول مبظهرش فى التلفزيون ولا على واجهات الصحف
هههههههههههه
بس يمكن كما قال الرسول الكريم (الارواح جنود مجنده ما تعارف منها أأتلف وما تناكر منها اختف) نسأل الله الالفه دائما

بس لى رجاء جار ياريت تشيل الصور اللى فيها نساء من المدونه
سلام

ذو النون المصري يقول...

تصميم مدونتك ممتاز جدا و الوانها رائعه و هادئه و اضافاتك عليها عامله جو ممتاز
تحياتي

سوووكا يقول...

لا بجد البوست دسه حلوة أوي
واحساسها رقيق أوي
ويمكن اكتر حته عجبتني فيها اتسائل كيف عرفت لون الجدران وأنا لا أمتلك النور

ربنا يوفقك

المجاهدة يقول...

أتسآئل كيف عرفت لون الجدران وانا لا امتلك النور


عجبني اوى الجملة دي :)

بس الحزن فعلاً مش من طباعنا كمسلمين... ولا مطلوب مننا ولا المفترض مننا اننا نفضل ساكتين بنتفرج عليه و هوا بيتغلغل فينا اكتر كل شوية


حضرتك اقوى من كده يا اخي.. بلاش تدي للحزن و اليأس فرصة انه يسيطر عليك
و بص للجانب المشرق دايماً هتلاقي بجد حتى مع كل موقف وحش حاجات كتيرة قوى كويسة

ابسطها انها بتقربك اكتر لربنا :) لأنها بتحسسك بمدى ضعفك الانساني و مدى احتياجك لربنا عشان يقويك :)

.:.-=- ELGaZaLy-=-.:. يقول...

اول زيارة ليك المدونة جميلة اوى والشجن مليها بس رائعة اوى...

مساء الفل يا جميل

غير معرف يقول...

ايه المدونه الى فى منتهى الجمال دى
بجد ماشاء الله رائعه
الى الامام بس خليك فرحان بلاش تبقى حزين:)

الحلم العربي يقول...

لا تنتظر من يحاول الدخول بأعماقك لأنه لن يدخل إلا بإرادتك أنت فلابد أن تقتحك أنت نفسك اولا حتى تعطي مفاتيحك للآخرين....
بوست رائع كالعادة من شاعر متميز

تحياتي

الدمعه يقول...

السلام عليكم
بوست جميل اوي بس مائل للحزن كلعادة

يا ريت تعرف انت ايه الا جواك لكي يستطيع غيرك ان يدخل اعماق قلبك

ربنا يفرحك يا رب

Lemonada يقول...

يا عم حزين
عقبال ماشوفك يوم كدة مغير اسمك الحزين دة
انت مش معقول لوحدك
بص كم واحد بيجي على مدونتك
بيسمع اي جواك
بيفهمك
بيتعصب منك
ويمكن يفهمك غلط
بس مش لوحدك
روق كدة يا عم وبلاش الحالة دي
ربنا يهديك
تعال عندي مع اني بقالي فترة مطحونة ومش بلاقي وقت اكتب حاجة
بس كتبت حاجة جديدة في ليموناضة
وكمان قوس قزح
حالة الشب الي في القصة بتاعتي
فيها شوية منك
نورني ماشي
سلام

Monzer يقول...

أعتقد إذا لم يتسطع احد الدخول إليك
فانت من اردت ألا يدخل
انتظر ولكن لا تنتظر كثيرا
انتظر حتى من ياتى ويدق بقوة على أسوار قلبك
فلحظتها سوف تتيقن أنه جاد بما أراد

تحياتى لك اخى الغالى جدا

صاحب البوابــة يقول...

اعتذر عن التحليق خارج السرب

لكنني أريد رأيكم للأهمية في آخر موضوع لي

بعنوان

شكــر وإعتــذار

تحياتي

غير معرف يقول...

اولا انا اسف على التاخير فى الرد عليك بجد انا وحش اوى وزعلان من نفسى
بس فعلا انت وحشنى اوى يابو حميد
عموما حول نشوفك فى العيد الواد شمس الزناتى ونشه بيرتبه خروجه لمدوين فى العيد
طيب خلينا فى البوست
انا متاكد انى لت يسطيع احد الدخول لك لا اذا سمحت انت له وخرجت انت من عزلتك اباديه عندك
احمد الجيزاوى

نقطة مية يقول...

كل سنة و انتم طيبين و عيد اضحى مبارك و ان شاء الله ننال جميعا شرف الوقوف على عرفات

Carol يقول...

yeah ana fakrah el post dah
ta2riban kan awel post 7'alany atabe3 modawentak
ta7eyati :)

همسات دافئه يقول...

النور داخلك لا يأتى من الخارج
فاحذر ياأخى ان تكون مغمض العينين

غير معرف يقول...

أولا كل عام وإنت بخير طبعا بمناسبه عيد الاضحى أعاده الله علينا جميعا بالخير واليمن والبركات ...

ثانيا ...البوست رائع كما عودتنا اخى الفاضل ....

وأهديك مقوله عجبتنى جدااو بحاول أطبقها فى حياتى ((دع الأحزان تبكى من جبروت إبتسامتك ))....

أحيانا يعترينا الحزن ولا نجد منه مفر لكن بداخلنا روح تنتظر منا فقط الإذن لها بالتحليق عاليا الى عالم الا حدود لنرى العالم من منظور أوسع ونقبل على الحياه لتقبل علينا بدورها ...

فلنسمح لأفواهنا وقلوبنا قبلها بالإبتسامه والرضا لكى ننعم بالطمأنينه .......

MKSARAT - SAYED SAAD يقول...

احساسك رقيق كعادتك ومرهف جدا
صديقى الجميل الاحساس المختلط بكلماتك جعل انفاسي تهدأ رويدا رويدا وتمكن منى شعور الظلمة واحساس الكهف
اسأل الله ان ينير ايمامك وقلبك اكثر واكثر
تحياتي يا صاحب الاحساس الراقي