الأربعاء، 26 ديسمبر 2007

شَكلينى


شكلينى بين إيديكى

وأحتوينى بنور عنيكى

دانا لو رسمت بريشتى إحساس يبقى ليكى
شيلى منى كل حاجه بتجرحك
غيرى قلبى بقلب يفرحك

شغلينى فى المصانع

شغلينى فى المزارع

فى البيوت أو فى الشوارع

إصنعينا من جديد

إقتلى فينا العبيد

وإزرعى فينا الرجال

قلبى راجع من جديد

كله طهر وشئ حلال

مصر ياما

شكلينى بين إيديكى

أحضنينى واحتوينى بنور عنيكى

شكلى من غيرك محال
ـ
ـ
من ارشيف مدونتى نشرت بتاريخ 7/5/2007 بالمدونه وبتاريخ 10/5/2007 بالمصرى اليوم
كلماتى / احمد مهنى

هناك 27 تعليقًا:

yousef يقول...

عجبنى اوى جزء
اصنعينا من جديد
اقتلى فينا العبيد
مستنى المزيد والى الامام

سندباد يقول...

ياصديقي احييك بشدة
انت بتقرا افكارنا

Lemonada يقول...

اول مرة ازورك بس بجد شاعر

ويابخت مصر فيك يا عم

بس ماينفعش تكون مصري وحزين

تحياتي واتمنى انك تزور مدونتي

david santos يقول...

Thanks, My friend


My life is to make to exceed the barrier of the languages against the lie and the evil

ضـوء الـقـمر يقول...

بجد حاجه حلوة اوي
كلمات جميلة ولمست القلب على طول

شيلى منى كل حاجه بتجرحك
غيرى قلبى بقلب يفرحك

اول مرة ازور المدونة وان شاء الله اكون دايمه هنا :)
تحياتي

shimaa mahdy يقول...

اصنعينا من جديد
اقتلى فينا العبيد
وازرعى فينا الرجال

كلماتك حلوة جدا
بجد محتاجين نقتل فينا العبيد

قلمي الحر يقول...

السلام عليكم..بسم الله ماشاء الله الشعر حلو اوي , وخصوصا أنه عن مصر حبيبتي الاولي والاخيرة وأميرة أحلامي
على فكرة , شكلنا كده ممكن نشكل جبهة في حب مصر , بما أنك بتحب البلد وبتكتب عن حبها , وأنا كمان بحبها وبكتب عن حبها , بجد نفسي كل الناس تحب البلد عشان نقدر نغيرها للأحسن ونخلصها من اللي هي فيه ...يارب قدرنا

غير معرف يقول...

انا معاكم فى جبهة حب مصر علشان أنا بحب مصر أوى ونفسى أعمل حاجة حلوة لمصر بس يا ريت نعمل حاجة بجد مش نتكلم وبس .. بحبك يا مصر

رينـــــــــــا يقول...

يابخت مصر بيك :D
بجد كلامك لمس قلبى اوى
انا كمان بحب مصر مهما عملت فيا
مدونه جميله
نورتنى بزيارتك:D

الحلم العربي يقول...

انت بقى مصراوي جدا جدا
حلوة قوي
اصنعينا من جديد اقتلى فينا العبيد
و ليه مانكونش كلنا وطنيين عربيين أعتقد كده يبقى التعبير أعم ...أشمل ...أقوى لينا كلنا
بس بردو حب الوطن فرض عليا
أحييك بشدة على المدونة المتميزة
تحياتى

نقطة مية يقول...

اول مرة ازور مدونتك و شكلها مش هتكون آخر مرة..اجمل جزء"اقتلي فينا العبيد و ازرعي فينا الرجال"
بالتوفبق

صاحب البوابــة يقول...

إصنعينا من جديد

إقتلى فينا العبيد

وإزرعى فينا الرجال

قلبى راجع من جديد


كيف تريد مني أن أمر بهذه الكلمات فلا أحفظها في وجداني واسجلها في ذاكرتي

تحياتي لقلمك المبدع

وسوف اتابعك دائماً

كلام لوجيك يقول...

ماشاء الله عليك
كلمات معبرة واكثر من رائعة
احييك من كل قلبى على نبض احساسك الجميل

انا جيت أهو ولبيت دعوتك الكريمة
وكلامك كله لوجيك يا شاعرنا

خالص مودتى ودمت بكل خير

غير معرف يقول...

يا سلام عليك تسلم ايديك

ايه الروعة دي

انا اول مرة ازور مدونتك وبالتاكيد مش الاخيرة لاني لقيت شاعر جميل

تحيااااااتي وسلام الله عليك

الدمعه يقول...

شعورك جميل اوي وقلما نجد احد يحب مصر بهذة الصورة بس فعلا زي ما هما قالو يا بخت مصر بيك
بس ليه بقى حزين هو في حب وحزن مع بعض ؟؟؟؟؟

وعلى فكرة الاغنيه الي حططها جميله جدااا

تحياتي

حلم الحرية يقول...

ان تعبر بكلماتك عما بداخلك فهذا جميل

وان تعبر بها عما بداخل الاخرين فهذا رااااااائع

كلمات رائعة ومعبرة واجمل ما فيها بساطتها

عجبتني اوي النهاية
ــــــــ
شكلى من غيرك محال
ـــــــــــ

حقيقي كلنا من غيرها محال

بوست جميل
تحياتي

قضية عم أحمد Ahmed Case يقول...

ايه الكلام الجامد ده .
بجد شعر حلو اوي أوي بجد ما تحرمناش من الشعر خلى يكون في حياتنا حاجات حبوة كتير

نقطة مية يقول...

مبروك ظهور البوست في المصري اليوم...بصراحة يستاهل فعلا

سوووكا يقول...

حلوة أوي وأثرت في


ومبروك على نشرها في المصري اليوم

سوووكا يقول...

حلوة أوي وأثرت في


ومبروك على نشرها في المصري اليوم

واصطنعتك لنفسي يقول...

بجد جميلة جدا جدا..بحييك علي أختيارك لكلاماتك..أثرت فيا أوي أصنعينا من جديد.. و أزرعي فينا الرجال..ياااااه قد أيه محتاجين رجالة للبلد ده
بحييك مرة تانية..و بقولك ما شاء الله فعلا تحفة

نقطة مية يقول...

كل سنة و انت طيب يا اخي العزيز..و يارب عام سعيد عليك و مليان بالنجاح

FadFadA يقول...

يه أول زيارة ليا
جميلة قوي كلماتك

بس مصر ردت و قالت
مش بإيدي
اللي بتطلبه
انت اللي لازم تصنعه
شكّلك انت
بين إيديك
و الضي جاي
من عينيك
بس .. إظهره
ما تخبيهوش
و ما تكسفش ان ظهر
و نور قلوب
بجد مش بإيدي اللي بتطلبه
صدقني انت الحل
و انت المعضلة

محمد

MKSARAT - SAYED SAAD يقول...

اصنعينا من جديد
اقتلى فينا العبيد
وازرعى فينا الرجال

كلمات جميلة قوى خلت الواحد يحس فعلا انه بيحب مصر وان مهما حصل وهيحصل هنفضل نحب مصر
تحياتي ومودتى
صاحب المكسرات

صاحب البوابــة يقول...

تحددالافتتاح لدار الكتب الخاصه بي يوم الخميس القادم - 10 يناير - الساعة 6 مساءا في مكتبه البلد , ندعو الجميع لكي نقص سوياً شريط افتتاح الموقع ونطلق شراره انطلاقه نحو خدمه كل المثقفين والمهتمين بالقراءة

العنوان / مكتبه البلد - ميدان التحرير بوسط البلد - 31 ش محمد محمود أمام الجامعة الأمريكيه

تليفون مكتبه البلد / 27922768

نتمني منكم أن تشاركونا هذه اللحظات والتي لن تنجح إلا بوجودكم

نقطة مية يقول...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

قلمي الحر يقول...

انا جات واسفة للتأخير كنت مريضة ومشغولة اليومين اللى فاتوا