الاثنين، 6 أكتوبر 2008

مشروع وطن من الكتاب الى المدونين


اتصلت بى صحفية قبل العيد بثلاثة ايام وتحدثت معى بشأن كتاب مشروع وطن .... لاحظت من كلامها انها كانت متأثرة جداً ببعض الاعمال فى الكتاب وعندما علمت ان الكتاب صدر منه عدد جديد فرحت وبشده وشكرتنى على العدد الجديد وكأنى اخبرتها أنها نجحت فى الثانوية العامه بمجموع 99 فى الميه ... لقد ازاحت عنى تلك الصحفيه بفرحتها بصدور كتاب جديد هاجس ان يظل التدوين للمدونين فقط وتكرر معى نفس المشهد عندما استضافنا اليوم مدونى الشرقيه فى ملتقى مدونى الزقازيق
لقد اكرمونا ورحبوا بنا بدرجه لم اكن انتظرها ... ولا اعلم ما السبب الذى جعل هؤلاء المدونين كلٌ منهم يترك جامعته او حياته ويأتى ليقابلنا او يسافر احدهم من الدقهلية الى الزقازيق ليكون موجود ولا اعلم ما الذى دفع احدهم لأن يستأجر سيارة ليصطحبنا منذ وصولنا وحتى توصيلنا وما الذى يدفع اخر ان يكرر نفس الموقف ويصر ويقسم على ذلك حتى رجوعنا الى موقف مصر
الامر كله تحول من كتاب الى مجموعة مدونين يسعوا الى توطيد علاقات وترحيب بضيوف لم يروهم من قبل ولا تربطهم بهم صفة قرابه او معرفه او مصلحه مرتقبه .. وكأن مقولة الصباغ تحققت عندما قال ان المدونين اصبحوا كأتنين بلديات شافوا بعض فى بلد اجنبى
--
يبدو ان التدوين يأبى الا ان يحتفظ بحريته وانطلاقته وعفويته ولذلك نجد ان اى محاوله لتحويله الى نقابة او مؤسسه او اتحاد او رابطه تفشل بسرعة الضوء واعتقد ان التدوين ايضاً يأبى الا ان يترك حالة من العفويه متمثلة فى ضجه لابد وان تكون موجوده فى اى تجمع لأى مدونين حتى وان كان حفلة توقيع مثلا او ملتقى ولكن يبقى الود
--
لقد استمتعت باليوم بالقدر الذى جعلنى اريد ان اعترف ان مدونات مصرية للجيب قدمت لى افضل هدايا فى حياتى .. واننى لو لم اكتسب من مدونات مصرية للجيب غير معرفتى بأحمد سلامه صاحب مدونة مستر كافيه لأعتبرت ان الدنيا حيزت لى بكل ما فيها ولو انى لم اكسب من مدونات مصرية للجيب غير معرفتى بهشام علاء لكان ذلك يكفينى ولو لم اكسب غير معرفتى بعيل مصرى واحمد القاضى و البراء اشرف وغيرهم من الذين شاركوا معى فأنا اعترف بأنى اكتسبت اعز اشياء حدثت لى فى حياتى من بعد التدوين وان كنت لا اريد ان ابالغ فى التدوين والكتاب ذاته فهو بالنسبة لى لم ولن يكون سبب فى شهرة او مكاسب ماديه او غيرها ولكنه يضيف لى علاقات انقطعت عنها منذ انقطعت عن التعليق فى المدونات منذ عام تقريبا او اكثر
---
اعلم انى توقفت عن التعليق فى المدونات منذ عام او اكثر رفضا لفكرة ان يرد التعليق بالتعليق واستمررت فى متابعة المدونات واكتفى باتصال هاتفى بمن اريد ان اعلق عنده او رساله على الميل ويبقى لمدونتى زائروها الذين يترددوا عليها لها وليس لأنى اعلق عندهم واعترف ايضا انى لم اعد استطيع ان اكتب هنا فى مدونة مزاج بنفس الحالة التى كتبت بها ساقاً لذلك أنشأت مدونتين جديدتين عسى ان اعود الى حالتى واكتب من جديد
---
لا تسألونى من أنا
فانا بقايا من حطام ٍ
قد تناثر فى المدى
وأنا المدى
وأنا التضادُ يعيشُ فوق تناقضٍ
وأنا المرادفُ للامانىحين ينعتها الأسى..ـ
يا ويح نفسى حين اُصبِح مبهمًا..ـ
والحزنُ لحنٌ دام .. ردّده الصدى
فانا ضمير تاه بين حطامه
ِوانا الضميُر المستتر
لا تسألونى من انا
---
من اشعار البوهى

هناك 12 تعليقًا:

Ahmed Al-Sabbagh يقول...

يا مزاجك العالى
والله ما قصرت
ولو قعدنا نكتب من هنا للصبح فى حق الشرقاوية واللى عملوه مش هنوفيهم حقهم
وبعدين انت عارف انى بحب شعر البوهى فبترشينى ياريس
:))

احمد

Dr.Mohammed Gohary يقول...

الله عليك

فعلا التدوين بجد غير فينا كتير

أنا دايما بقوووووول
المدونين هيغيروا شكل مصر

الشرقية نوّ!رت بيكم
ولو أن اللقاء لم يكن كما كاااان مرتب له
إلا أنه يكفينا أننا جميعا رحلنا سعدااااااء

خاااالص تقديري
وفعلا هشام وأحمد سلامة من الناااااااس اللي بجد تستاهل الإحترام

أتمنى تبقوا معانا في المرة القادمة
وأوعدك هتبقا منظمة عن كده خاااااالص

الحلم العربي يقول...

عجبتنى اوي المقولة بتاعت المدونين عاملين زي اتنين بلديات قابلوا بعض في الغربة ....بصراحة تعبير بليغ

و عجبنى اوي الشعر بتاعك
انا أيضا لم أعد أكتب بنفس الروح القديمة ، لا أعرف السبب ، ربما لأننا بطبيعتنا نتغير بمرور الزمن ، و ربما يكون هذا هو النضج الذي يتحدثون عنه
لكن عن نفسي كنت أحب الروح القديمة أكثر
تحياتي و ربنا يوفقك في المشروع بصراحة لولا إصراركم انت و أحمد البوهي لم يكن المشروع ليصل لهذا النجاح

قلب ينبض لله يقول...

أنتوا بجد نورتوا الشرقيه ومابقولش كدا كلام وخلاص
بس أنا كنت سعيدة بنفسي علشان ربنا كرمني وخلاني واحدة منكوا
واحدة موجوده في عالم التدوين اللي بيضم ناس جميله زيكوا
وانا زي ماقولت لحضرتك انتوا لسه ماجنتوش ثمار الكتاب لسه هاتجنوها ادام والناس اللي بتهاجمكوا هايتمنوا بينهم وبين نفسهم يكونوا معاكوا وقتها

وياريت نتقابل تاني وتالت ورابع

سلاااام

أمة الرحمن يقول...

إنت مستغرب ليه استقبلوك بالكرم والفرحة دي كلها
لإنك بالنسبة لهم
الحلم اللي تحقق
الصوت اللي طلع بعد مكان مكتوم
الهدف اللي وصلتله بعد مكان بعيييييييييييييد
بعيييييييييييييييد
أصبح الآن بين الايدين
مستغرب من اللي جم من الدقهلية للزقازيق علشان يستقبلوك
عايزين يشوفوا البطل
أيوة البطل اللي حققلهم الحلم
اللي فتحلهم باب السجن
السجن اللي كان صوتهم فيه مبيطلعش إلا في ظلمة المدونات الإليكتورنية
اللي بيسمعوا فيه صوت بعض في تلك الزنزانة
أيوة الزنزانة والسلاسل والحديد
اللي بتحبس
كل فكرة
كل صوت
كل صرخة
إنت فتحتلهم الباب
خلتهم يقولوا بأعلى صوتهم
إحنا أهوه
موجودين
أبناء مصر
اللي من حقنا نشارك في رفعتها
اللي من حقنا نشارك في قضاياها
اللي من حقنا نعلي صوتنا ونقول
لا
لا لكل ظالم
لا لكل فاسد
لا لكل قاهر
إحنا أهوه أبناء مصر
إنت أثبتلهم إن آخر طريق الظلمة نور
ربنا يوفقك أنت وصديقك
وإلى الأمام
إن الله لا يضيع أجر من أحسن عملا
وفقك الله

نـــــور يقول...

نورتونا يااستاذ احمد جدا
ويارب تيجوا تانى
احنا كمان كنا فرحانين بيكوا اوى اوى
ويارب القاء الجاى يكون اطول
تحياتى ليك
"نور"

prince4ever يقول...

أستاذ احمد مهنا
الشرف لينا حضرتك للتعرف على شخص جميل جدا زيك...ولو نطول كنا فرشنا الزقازيق ورد يا برنس
اسف جدا اني ملحقتش اسلم عليك قبل ما امشي امبارح لكن انا فعلا اضطريت امشي بسرعه و مخدتش بالي من حاجه... ارجو المعذره
انت شخصيه رائعه بجد
تحياتي
رامي

د. محمد رضا يقول...

سعدت بلقائك جدا

تحياتي لك ولكل الحضور

حقيقي احساس انك من الجاليه المصريه في مصر احساس غريب - على رأي راديو تيت -


تحياتي

كن بخير


محمد رضا
شخصية عامة

Ghada , Rofayda يقول...

بيقولوا ان الشراقوه كرماء...
لكننا لم نحسن استقبالكم كما ينبغي..
واللقاء لم يكن منظم كماينبغي...
لكن صدقا نشكر حضوركم...


تحيااااتي

دمت بخــــيــر...

عاشــــــ النقاب ـقــــة"نونو" يقول...

كل عام وانتم الى الرحمن اقرب
ربنا يوفقكم يارب

Ahmed Kamal يقول...

عمر ما رد التعليق بتعليق ما بيخلق علاقة أو ود ، في بعض المدونين ما دخلوش رحايا العمر قبل كده ، و مع ذلك أعتز بمعرفتهم ، و كذلك في ناس مش باقدر أتابعهم رغم احترامي لهم .

في النهاية التدوين مش منتدى ، لكن تقدر تقول مجتمع فيه هامش حرية بيخليك تكون نفسك ، و لا حاجة لك في أن تكون غيرها .

تحياتي لك يا أحمد

خمسة فضفضة يقول...

السلام عليكم ورحمة الله وبركاته

كل سنة وحضرتك طيب يا استاذ احمد


ربنا يوفقكم يارب ومن نجاح لنجاح


سلام