الأربعاء، 14 مايو، 2008

هشوفكم هناك




ـ
مش هتكلم كتير
هستناكم هناك
الخميس 22/5 الساعه6.30 مساء
عمر بوك ستور طلعت حرب
فوق فلفلة




هناك 11 تعليقًا:

واصطنعتك لنفسي يقول...

ما شاء الله تبارك الله

بجد بجد..خبر جميل وفرحني جداً
يا ريت بس تبقي تعلن عن منافذ بيع الكتاب..وإن شاء الله حفلة التوقيع هتكون ناجحة جدا.. ولو سمحتم عايزين حملة تغطية للحفلة علشان الناس اللي مش هتحضرً

تصميم الغلاف لو هو ده فعلاً مبتكر جداً
وعجبني الألوان والفكرة جداً كمان

ربنا يوفقكم..(وما توفيقي إلا بالله عليه توكلت واليه انيب)

إيمان

A.SAMIR يقول...

الف الف مبروك
وعقبال كل الاعداد ان شاء الله
تحياتي

بت خيخة وأى كلام يقول...

الى الاحمدين
مهنا والبوهى

الف مبروك لكل المشتركين فى الكتاب ده

بس انا عندى ملحوظة عايزة اقولها علشان تبقوا تاخدوا بالكم منها المرة اللى جاية فى الاعداد الجديدة
الغلاف شكله مش ولا بد خاااااااالص

انا بقول كلامى ده عن دراسة مش كلام وخلاص
بما انى درست اعلام واخراج صحفى كنت خدت حاجة اسمها تصميم الغلاف
وخدت حاجة اسمها اسوء التصاميم واحسن التصاميم
وتصميم الغلاف بصراحة داخل من ضمن قائمة اسوء التصاميم
ياريت المرة اللى جاية تخلوا التصميم يكون صورة واحدة فقط
او صورة واحدة رئسية وحواليها صورة صغنونة

يارب اكون عرفت اوضح وجهة نظرى
لو معرفتش اوضح فده محتاج شرح علنى لما اشوفكم بقى
بس عموما انا فرحانة

مش انا اسمى مكتوب برضه ولا اييييييييه؟

تحياتى ليكم على مجهودكم

ونتقابل على خير فى حفل التوقيع

بس قولولى هو برضه مافيش سبوبة كدة ولا كدة؟

خلاص بلاش تبصولى شذرا كدة
انا ماشية بكرامتى

سلام
اختكم خيخة

nonoymm يقول...

ما شاء الله لا قوة الا بالله
الف مبرووووووووووووووووووووك

الزواج.....روضة الحب يقول...

السلام عليكم ،مبارك عليكم وليدكم البكر ،ربنا يباركلكم وعقبال الأعداد الجاية،ربنا يذيدكم توفيقا،ماشاء الله تصميم الغلاف جميل جدا لربط فكرته بال
كمبيوتر والتدوين الألكتروني،أنا مش عارفة بعد لخبطة التليفونات اللي حصلت هاكون معاكم والا لأ،بس والله في الحالتين أنا فرحانة جدا ،وسعدت وشرفت جدا بمجرد الدعوة،ربنا معاكم0

سكــر يقول...

الف مبروك ياباشا

بالتوفيق ان شاء الله

تحياتى

احمد البوهى 2

كلام على بلاطة يقول...

مبروك وعقبالنا احنا وباقى المدونين
ومدنا بالتفاصيل
تحياتى

رئـــــيسـة حزب الأحلام يقول...

ربنا ينجح المشروع دة
وتحياتى

MKSARAT SAYED SAAD يقول...

ان شاء الله اشوفك هناك
تحياتي
صاحب المكسرات

حلم الحرية يقول...

يااااااااه

ده انا جيت متاخر اوووووي
شكل الواحد فاته حاجات كتير بسبب فترة غياب طارئة عن عالم التدويين

بداية
مبرووووووووك العدد الاول
وان شاء الله تكون تجربة ناجحة ومفيدة وقوية
مستنيين نقراه بفارغ الصبر

للاسف كان نفسي احضر ومش هاقدر بسبب السفر
بس اكيد هاتابع تغطياتكم للحفلة ان شاء الله
وهنستني تتعمل حفلة تانية مشابهة في اسكندرية ان شاء الله

ثانيا
انا كنت علقت زمان علي تدوينة لحضرتك اني في يوم هاكون بادور علي ديوان شعر اشتريه وهالاقي ديوان لحضرتك منشور
اعتقد جزء من التعليق اتحقق
بانتظار منافذ البيع عشان نروح نشتري العدد الاول

ثالثا وهوالسؤال الاهم
مفيش تخفيض لينا وللا ايه؟؟؟؟

عايزين تخفيض خاص لزوار مدونة حضرتك او عالاقل عدد هدية مع كل تعليق
حضرتك مترضلناش اننا نجي هنا ونمشي بايدنا فاضية

تحياتي

أسوور يقول...

الكتاب فكرة كويسة
والأفضل انها اتعملا سلسلة
لكن فى كتاب تانى نزل اسمه عندما أسمع كلمة مدونة برضه نزل
وتم نشر بوستات لية ولكن بعد ان قاموا بالإتصال بى والإستئذان فى نشر بوستات من مدونتى
وكمان قاموا بنشر اسماء الناس اللى تم نشر بوستات تخصهم على المدونة الخاصة بالكتاب وفى الكتاب ايضا

ماذا عن كتابكم او سلسلتكم؟؟؟

تحياتى