الاثنين، 6 أبريل 2009

البحث عن إيفا

ـ
يصر الغرب دائما على أن يتقنوا عملهم لدرجة تدعوك الى الانبهار ... انهم يسعون دائما الى البحث فى الاماكن المغلقه .. دفعنى القدر الى مشاهدة فيلم "والى" لا اخفيكم سراً انى بطبعى أدمنت مشاهدة افلام التحريك واحتفظ بمكتبة مكتظه من تلك الافلام المدبلج منها والمترجم وغير المترجم وذلك الفيلم "والى" والذى لم يقع فى يدى سوى من شهر تقريبا وان كنت قد سمعت عنه وضعنى فى حالة مزاجية غير عاديه
أراد صناع السينما الغربية ان يبحثوا فى كلما يتعلق بالنفس البشرية فبحثوا ف ىالروخ والجسد والمشاعر والمشاعر هى الاتجاه الاكثر منطقية فى بحثهم فسابقا ارادوا ان يخلقوا مجتمع بلا مشاعر كما فى فيلم "ايكويلبرم" وعرضوا فيه فرضية ان يحفظ المرء نفسه من الشعور ويحكم العقل ثم تدخلوا فى فيم "صنى" ليحاولوا اضفاء صفة الحلم والطموح الى انسان الى واليوم فى فيلم التحريك "والى" والذى حاولوا فيه ان يخلقوا مشاعر لربوت مبرمج مسبقاً ويترك لك التخيل كيفما يشاء
الا انهم كانوا اكثر واقعيه هذه المره ... لا اعلم ولماذا بالتحديد شعرت فى شخصة "والى" واحداث الفيلم انها متقاربة بشكل كبير مع حياتنا هنا فى مصر ... "والى" كان مجرد انسان الى مبرمج على اداء وظيفة محددة هى تكعيب المخلفات ولكنه تمرد على وظيفته التقليدية والمقررة له لقد قرر والى ان يكون نفسه وكان كل ما يلاقى حاجه تنفع للبيت وسط المخلفات ياخدها معاه كان بياخد معاه كل يوم شنطه ربما تثقله لكنه كان يدرك جيدا ان عليه ان يكون نفسه ككل شاب مصرى تماما ... شخصية والى هى الشخصية الافتراضيه لأى شاب مصرى راضى بحاله وبامكانياته قانع صابر مستحمل بيشتغل وهو ساكت وبيرجع يتفرج عل ىالتلفزيون نفس اللى بيشوفه كل يوم زى والى ماكان بيعمل بالظبط وفجأة ظهرت فى حياة والى "ايفا" ، والى كان حلم حياته انه يلمس ايد روبوت زيه مش اكتر لكن ايفا كانت امكانياتها عاليه كانت متقدمه عنه بكتير عندها استشعار بالليزر وسلاح فتاك وبتقدر تطير ومش بتتشحن بالشمس زيه فكرة انه يلمس ايدها فضلت مسيطره عليه لكن هى كان كل اللى يهمها التعليمات .. اد ايه قدروا بالفيلم دا يلمسوا الواقع المصرى بشكل مهول لكن والى قرر يتمرد بسذاجته وحسن نيته تمرد وقرب منها انا مش عاوز احرق الفيلم واكمنى شفت الفيلم من شهر نسيت النقاط اللى لمسوا فيها الواقع اللى عايشينه بشده
لكن الفيلم يوصلك لحد البكاء عرفت بعد كده ان الفيلم اتصرف عليه 185 مليون دولار وانه مصنف ضمن افضل ميت فيلم عالمى فى تاريخ السينما
جايز ان والى عاش حياته كلها مستنى ايفا واحده فى حياته لكن لما لاقاها طلعت عينه ولما بدأت تحبه كان فقد الذاكرة حتى الذاكره عنده كانت عبارة عن شريط الكترونى بسيط بيسجل عليه ملفاته لكن هى كانت بتمتلك كاميرا متطورة بتسجل كل شئ
اللحظة اللى والى فيها بيفقد الذاكرة هى اشد اللحظات تأثيرا فى الفيلم لأنها اللحظة اللى بتكون ايفا وكل اللى حواليها ايقنوا بدور والى تجاها وتجاه الاخرين لكن السؤال اللى بيفرض نفسه يا ترى الناس دول وصلوا بدرجه من الواقعيه انهم يخلقوا بداخل كل مشاهد حالة تأثر شديد بايفا للدرجه انه ممكن يبدأ يبحث هل كانت فى ايفا فى حياته ولا لأ ؟ او انه يبدأ يبحث عن ايفا
مش عارف

------
جايز يكون البوست مبهدل لغويا اعذرونى هحاول اظبطه بس كنت عاوز اكسر حالة الخمول التدوينى اللى انا فيها بقالى فتره هحاول اجيب لينك تحميل للفيلم

هناك 8 تعليقات:

يا مراكبي يقول...

خلاص لما نتقابل المرة الجاية هاتلي الفيلم ده معاك

فاتيما يقول...

شوقتنى أشوفه
انا كمان زيك من مهاوييس النوعية دى من الأفلام ...
بس بقالى كتير مش عاوزة أشوفها ..
اصلى إتعودت أتفرج عليها مع يوسف ...
و أقعد اقراله الترجمة و أنا متصربعة عشان ألحق اقرى الجملة اللى بعد كدا و فى وسط الصربعة أقول تعليقاتى الخاصة و ألحق أضحك و أتريقأ و ... و ....
أقولك ...
هشوفه مع يوسف لما يرجع احسن
و هقوله عمو احمد هوه اللى إقترحهولنا بنفسه ....
أما بخصوص حلم والى
فربنا يحققهولو عن قريب ....
خالص تحياتى و ودى

همسات دافئه يقول...

أحمــــــــد
انت بتهرج
لاء استنى
أولا فرحانة جدا بعودتك بجد لإن غيابك كان طال اوي
ثانيا انا لسه شايفه الفلم ده من اسبوعين واتأثرت بيه اوي
فعلا الشغل الى فيه مش شويه خالص بس مكنتش أعرف كل المعلومات الى انت قلتها عنه ده
البوست ده جميل اوي
والفلم لمسني فعلا وتفاعلت معاه زيك
وطالما ليك في الحاجات ده هبقى أجبلك ان شاء الله:)
تحياتي
شيماء:)

همس الاحباب يقول...

بجد شوقتنا وابهرتنا بجمال الفيلم
لانى كنت ايام الشباب مغرم بالنوعبة دى من الافلام
وفى انتظار لينك الفيلم
سعيد جدا بزيارنك
تحياتى وتقديرى

Asmaa mahaba يقول...

الى مبرمج على اداء وظيفة محددة هى تكعيب المخلفات ولكنه تمرد على وظيفته التقليدية والمقررة له لقد قرر والى ان يكون نفسه
...............
لكنه تمرد
نحن لم نتعلم كيف نتمرد على اوضاعنا
لم تتيح لنا تربيتنا هذا لان المراه تقهر فى بيتها فتربى ابنائها على القهر زاته فيخرج للمجتمع يرضى بالقهر من اساتذته ومن معلميه ثم من رؤسائه فى العمل وصولا الى قهر الحكام
..........
خطا التربيه والتنشئه هو اللى بيعمل فينا كدا وبيكسر فينا تمرد الاطفال
.......
ومش معنى التمرد اننا نعصى اهالينا او نعصى الخالق بس لازم نتمرد على الزل والقهر ونتمرد عشان نصون كرامتنا ومنوطيش حتى لو عشان اللقمه
التمرد فى كل شىء مدام تمرد حيرفع مننا
...........
اما بقى السينيما الغربيه وبالذات افلام الانيميشن وديزنى فلا يوجد اختلاف على جودتها تقنيا وفنيا وطبعا
محتكرى سينيمات هوليود وديزنى يهود تفكيرهم صهيونى بحت وفرضوا سيطرتهم على شركه ديزنى واستوديوهات هوليود بعد وفاه الخواجه والت ديزنى
السيناريو مش معمول عشان تحس بنفسك فيه يعنى بمعنى ادق مش بيعبر عنك كعربى
دا بيعبر عن اسرائيل اللى كانت لا شىء ثم تمردت فاصبحت كل شىء واصبحت الكيان المحرك للقوى العظمى فى العالم(امريكا)
............
ومعظم سيناريووهاتهم بتعبر عن كدا فى محتواها
وليها اسقاطات نفسيه وسياسيه
........
عدم اللامؤاخذه اصل دى دراستى :)
وانا كمان مدمنه افلام وبعمل افلام بس على بدائى وصغير قوى لسه مبقيتش عشر ديزنى:)
موضوعك هايل ولو بتحب الافلام الكارتون ابقى ادخل عندى كارتون ورلد او مجنونه فى يلد عاقل وسيب اسم الفيلم اللى انت عاوزه وانا ارفعهولك :)
...سلام

Asmaa mahaba يقول...

نسيت اقولك نقطع نونو
الفيلم ابو 185 مليون
عندنا فى استوديوهات مصر الفيلم بيكلف 185 جنيه تمن الشفاف بتاع التحريك والاقلام اللى حيترسم بيها
:))
احنا شطار بنغزل برجل معزه
وللاسف لسه عندنا ثقافه ان فيلم الكارتون لازم يبقى للاطفال يعنى بيجيب تخلف اسمع بكار خمس اجزاء ولا اربعه وبكار هو هو لا بيكبر ولا بيصغر ومشرط يموت يوم ويصحى تانى يوم:)حاجه كدا بله منغولى من الاخر

L.G. يقول...

حتى نهاية البكرة :)))

Unique يقول...

الكارتون ده جميييييييييييييل أوي
انا اما شفتك جايب صورته توقعتك تتكلم عنه من وجهة نظر مختلفة جدا :)
توقعت تتكلم في المشاعر اللي فيه
و انا عمري ما بصتله انه زي الواقع المصري أو زي ما سومة بتقول أنه اسقاط على الواقع الصهيوني
مكونتش اعرف ان في فكرة عميقة أوووي كده وراه :]

عامة طبعا مش حتكلم عن الانيميشن و الشغل العالي اللي فيه مش نحتاج تعليق

بس بالنسبة لحتة "ايفا" و انه كان عايز يمسك ايد "اي روبوت غيره" ...انا شوفتها من وجهة نظر تانية خالص !!
هو كان عايز يمسك ايد "روبوتاااية تانية" عشان الفيلم اللي كان بيتفرج عليه كل يوم حط جواه حاجات و مشاعر كده كتير زي ما تقول اتفجرت اما شاف ايفا

و ثانك يوووو على البوست ده ... جامد اوييي