الجمعة، 28 نوفمبر 2008

اعـتـــــــــــــــــــــــــــــــراف

ـ
متشكر يا رب على انك خلقتنى ومتشكر على انك جعلتنى انسان وانك جعلتنى مسلم ومتشكر على والدى ووالدتى .. متشكر انك رزقتنى اب وام طيبين ومهذبين ومتشكر انى مكنتش يتيم وانى عشت وسطهم ومتشكر على اخواتى وعيلتى وعلى انك وضعت حبى فى قلوبهم ومتشكر يا رب على انك جعلتنى متعلم وعلى انك وفقتنى فى التعليم ومتشكر على انك رزقتنى عقل مدرك ووهبتنى بعض المواهب ومتشكر على انك هديتنى بعد ما كنت ضال ومتشكر على الرزق ومتشكر على الصحه ومتشكر يا رب على انك سترتنى وحفظتنى ومتشكر على انك رحيم وعظيم وكريم وعلى انك الله ومتشكر انى عبدك ومتشكر على اصدقائى ومتشكر يا رب على الكمبيوتر والموبايل والهدوم والساعه والبرنتر والدى اس ال ومتشكر على الجاكت الاسود والابيض والبيج ومتشكر على الجاكت الجينز وعلى الكونس الكحلى والجزمة البوت وعلى كل حاجه صغيرة اوى اوى رزقتنى انى اجيبها من يوم ما اتولدت ونسيت اذكرها دلوقتى .. ما هو انا اكيد مش هقدر افتكر كل حاجه ولا حتى اى حاجه من فضلك عليا .. ومتشكر يا رب على حياتى كلها ... متشكر ... ومعلش أنا اسف مقدرتش ابقى عبد كويس معرفتش ابقى عبد مطيع .. دايما كنت بعصيك وبتكرمنى بعدها كرم بالغ دا لأنى عبد حقير وانت اله عظيم كريم حليم ..... متشكر يا رب وانا اسف معلش معرفتش ابقى عبد من عبادك الصالحين .. انا اسف يا رب مش هبرر اعمالى وافعالى .. مش هلف وادور انا غلطان أنا اسف انا عارف انك غفور ورحيم وودود .. متزعلش منى .. مانا اصلى مليش اله غيرك .. لو زعلت منى هروح فين .. مانا بردو هفضل اتأسف واقولك معلش انا اسف انا بحبك والله .. بس انا انسان ضعيف بردو عادى يعنى .. جايز كنت فاكر نفسى ملتزم بس انا عادى .. عادى جداً

---------
أدوِّن هناك بأستمرار إن شاء الله

هناك 11 تعليقًا:

Mahmoud farag يقول...

صدقت في كلمة اللهم تقبل منا و اغفر ذنوبنا جميعا

اللهم ارزقني حبك و حب من يحبك و حب عمل يقربني الى حبك ...

t3ban يقول...

احب الصالحين ولست منهم لعلي انال منهم شفاعة واكره من كانت تجارة المعاصي ولو كنا سواء في البضاعة
الأمام الشافعي

بس انا مش صالح زيه
بس برده بحب الصالحين
وتجارتي المعاصي بس برده بكرهم

نخش بقي في سألت نفسي كثير مرستش يوم علي بر
انا الي فيا الخير ولا الي فيا الشر
كل الي نقدر نقوله
الحمد لله علي نعمة الأسلام
والهم زدنا ايمانا و اهدنا من غيرك خلقنا ولمن غيرك سوف نرجعون

مـحـمـد مـفـيـد يقول...

احييك علي اعترافاتك الرائعه

shaimaa samir يقول...

الحمد لله
على انه هو الله

هكذا دوما ارددها


لقد ذكرتنى وافقتنى بكلماتك هذى
على شىء ربما ليس له علاقة بالموضوع ذاته

فصدقا

جزيت الخير

kmt يقول...

السلام عليكم ورحمة الله وبركاته

اعترافك لالالالالاء دا اعترافي انا بقوله كتير خصوصا لما ابعد عن عاداء العبادات بقدر كبير من التركيز بقوله كتير علي مخدتي

بس انت عارف انت نبهتني لحاجة مهمه
علمت فالزم
عرفت انك مقصر وعرفت ان فضل الله عليك عظيم
يبقي لازم احاول اكون كويس قدر ما استطيع
لان مش علي طول بينفع الاسف
وزي ما احنا عارفين ان ربنا غفور رحيم فلازم نفتكر ان عذابه هو العذاب الاليم

اتكلمت كتير تقبل مروري
تحياتي
الي اللقاء

م/ الحسيني لزومي يقول...

من اجل مصر
شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي
اذا كنت ترغب في وضعه علي مدونتك ارسل ميلك كي ارسل لك كود البنر
ارجو المعذرة للدخول بلا مقدمات لأني ادخل علي مئات المدونات يوميا

موناليزا يقول...

ايه رايك بدل ماتقول لربنا متشكر تستبدلها بالحمدلله
وبدل ماتقول انا اسف استبدلها باستغفر الله

ربنا يغفر لنا ذنوبنا ويتجاوز عن سيئاتنا

يا مراكبي يقول...

ده غير النعم الخاصة بالجسد ودي بقى كتيرة جدا

وإن تعدوا نعمة الله لا تحصوها

------

ياريت تجمع إبداعاتك كلها في مدونة واحدة لأنك لو نشرت حاجة هناك مش هنعر بيها إلا لو إنت قلت

Ahmed Kamal يقول...

الحمد لله على نعمه الظاهرة و الباطنة ، و غفر الله لنا و لك ما كان منا من تقصير

و صلى الله و سلم على من أوتي جوامع الكلم ، فعبر عن إحساس كل عبد تجاه ربه ، و هو يستغفر و يقول :
اللهم أنت ربي لا إله إلا أنت
خلقتني و أنا عبدك
و أنا على عهدك و وعدك ما استطعت
أعوذ بك من شر ما صنعت
أبوء لك بنعمتك علي
و أبوء بذنبي
فاغفر لي
فإنه لا يغفر الذنوب إلا أنت

و مش حانسى أقول لك كل سنة و انت طيب :)

L.G. يقول...

أشكرك ياربي على الطماطم كمان كلما رأيت طماطم ورأيت جمالها وفائدتها قلت الحمد لله وياليتك تراها وهي على الأرض مزروعة وترى مدي الجمال الذي يتسرب لنفسك
سبحان الله كتبت يوما تدوينة تشابه هذه كثيرا
واسمح لي أخي
قال الحبيب لا تحقرن أنفسكم
انت عبد كرمك الله بخلقك وأكرمك بإسلامك قد تكون مخطئ ولكنك مكرم لقد سجدت الملائكة التي لا تخطئ لأبيك آدم
أعزك الله

سكوت هنصوت يقول...

وحشتني قوي المدونة دي....مفتقداها من زمن....بس ايه النوت العيالي دي...بريئة براءة الأطفال كده....اللهم امين يا سيدي