الأربعاء، 7 نوفمبر 2007

ـ
انا يا رسول الله يقتلنى الحنين
وافر من هول السنين الى الانين
واسير قهرا فى الطريق مع الجموع السائرين
ترى يا رسول الله
انى قد اراك ذات حين
او ... قد ترانى عند حوضك ذات حين
اشكو اليك غربة الاسلام
فى الزمن الجريح
الناس حيرى يعتريها برد ريح بعد ريح
والليل لاح ولم يعد يأتى الصباح
والفجر ابدا لا يصيح
ماذا يفيد بأن يكون البيت مسكوناً
وساكنه جريح
ـ
ـ
ـ
ـ
انا عارف انى بقالى فتره طويله مش قد المستوى وان مستواى تدهور فى الشعر ... فى حالة غريبه بتصيبنى انا فراق رمضان لسه مأثر فيا اوى وكمان ظروف انشغالى الصعبه يعنى مثلا الكام بيت دول انا كتبتهم وانا فى الشغل قطعنى فيهم حوالى 8 مكالمات تلفون طويله غير انى فجأه قررت اكتب وفجأه سكت عشان كده انا محتاج رأيكم فى مستواى
اما عن جديد ففى قصيده قريب ان شاء الله اسمها " هل آن للقلب المسافر ان يمل الانتظار ؟ "ـ
ارجو التوجه لمدونة صديقى انكسارات فى حالة البحث عن اشعار جيده
او الى مدونة هدى جمال وحى قلم فى حالة البحث ادبيات رائعه

هناك 15 تعليقًا:

عصفور المدينة يقول...

رزقنا الله وإياك رؤية حبيبنا محمد صلى الله عليه وسلم وورو حوضه


بخصوص المستوى فأولا انت منقطع منذ فترة وثانيا أنت لخصت الحالة في تعليقك فعلا لملكة التي لا تستخدم لا تنمو
وللعلم صديقك شاعر قديم وكنت غزيرا لكني الآن لا استطيع كتابة بيت واحد إلا بتكلف شديد

Salwa يقول...

ـ
انا يا رسول الله يقتلنى الحنين
وافر من هول السنين الى الانين
واسير قهرا فى الطريق مع الجموع السائرين
ترى يا رسول الله
انى قد اراك ذات حين
او ... قد ترانى عند حوضك ذات حين

جميل جدا أخي
بارك الله فيك

تحيااااااااتي

MKSARAT SAYED SAAD يقول...

اللهم صلي على محمد وعلى آل محمد كما صليت على ابراهيم وعلى آل ابراهيم في العالمين انك حميد مجيد

عزيزي الكتابة كالزنبتة الصغير ان اردت ان تجعلها تنموا فعليك بالاستمرار وان اردت ان تقتلها فتوقف وانا اعتقد احساس سيجعلك تحافظ عليها
اكتب كل لحطة كل دقيقة كل يوم قلمك جميل

sendbad يقول...

ربنا يتقبل منا ومنك ياصديقي

وربنا يحنن عليك بنات افكارك
تحياتي ياصديقي

الحلم العربي يقول...

جميلة جدا الابيات دي
انا مش شايفة ان مستواك قل و لا حاجة كل الحكاية ان انت مقلل شوية و ده بيتهيألى مش كويس علشان اي موهبة
يعنى مثلا اللى عنده موهبة كتابة القصص بيقولوله يقرأ كل يوم و يحاول يكتب كل يوم علشان ينمى موهبته
ربنل يوفقك و ينفع بموهبتك الامة كلها

و ربنا يتقبل منك و نري الرسول صلى الله عليه و سلم في الدنيا و الآخرة و يفرح بنا عند اللقاء ....آمين

Abeer يقول...

الابيات جميلة جدا

وبالنسبة للمستوى
انت مقل جدا .. يعني انا بقالي اكتر من شهر ونص ومفيش غير بوست واحد جديد

اكتب .. اكتب في اي وقت ولاي سبب
وربنا يوفقك
وتنزلنا قريب
حاجات جامدة

واصطنعتك لنفسي يقول...
أزال المؤلف هذا التعليق.
أميرة محمد محمد محمد يقول...

ربنا يرزقنا و اياك رؤيته و رفقته لا تحزن اخي فانت شاعر موهوب و من الطبيعي ان ياتي وقت نشعر فيه باننا لا نستطيع الكتابه لا تقسو علي نفسك ربنا يجعل كل ايامك خير و ايمان

سكوت هنصوت يقول...

ماذا يفيد بأن يكون البيت مسكونا و ساكنه جريح!!!!!

ليه بتقلل من قدر نفسك كده

القصيدة دي من اجمل ما قرأت

حقيقي رائعة

و صادقة جدا....

و على فكرة دي ش مجاملة

في إنتظار ابداعات اكثر

weswes يقول...

صدقنى هذه الحاله دئما ما يصاب بها من يكتب بما يشعر وفقط
وكان صمت رهيب خيم على مخيلتك
ولكن كثرة المحاوله تساعد
لك تحياتى وانتظر جديدك

اتحاد المدونين المصريين يقول...

بسم الله الرحمن الرحيم
الاخوة والاخوات الاعزاء الافاضل
بكل الحب والود اطرح عليكم فكرة تاسيس
اتحاد المدونين المصريين
واتمنى ان تشرفونا بالزيارة على المدونة المقترحة للاتحاد
وابداء الراى فى
ميثاق الشرف
والائحة التنظيمية
واهداف الاتحاد
ويمكنك كتابة رايك فيما هو موجود وابداء الملاحظات التى تثرى العمل
وللانضمام للاتحاد اكتب طلب الانضمام فى سجل الزوار
العنوان
http://egyptadwin.maktoobblog.com
الى اللقاء وفى انتظار تواصلكم

ولـاء يقول...

ما شاء الله
ما شاء الله

رااااااائع جدا

ربنا يعز حضرتك يارب

جزاك الله خير الجزاء
و رزقنا رؤية رسولنا المصطفي
صلي الله عليه و سلم

تقديري

فرفوشة يقول...

ماذا يفيد بأن يكون البيت مسكوناً
وساكنه جريح


عجبني أوي أوي يامزاج البيت الأخير ده
حاساه حكمة كده بسيطة

لا يابني مستواك زي ماهو ماتقلقش

وشكرا على سؤالك المتواصل علي

Monzer يقول...

صديقى الشاعر الحزين

يجب ان تتاكد انك موهوب بل ومحترف
لست هاو مثلى أو مثل كثير
لست نصفة موهبة مثلى او مثل كثيرين

اكتب وثق فى كتاباتك
فأنت فى أفضل حالاتـك

تحياتى ليك يا صديقى الحزيـن
وبلغ التحية لصديقى المنكسر

يا مراكبي يقول...

ممكن أستلف منك آخر بيت .. عجبني الإحساس فيه جدا

ماذا يفيد بأن يكون البيت مسكوناً وساكنه جريح